I haust har Bø Mållag gjeve bokgåver til dei 6 barnehagane i Bø. Dette er gode nynorske barnebøker retta mot små og store barn i barnehagen og ei songbok. Det var stor glede og interesse hos liten og stor for gåva.
Mållaget er oppteken av at barne skal oppleve både nynorsk, bokmål og ulike dialektar i barnehagen og gjerne andre språk i tillegg fordi barnehagen er ein viktig arena for språkstimulering. Gjennom ord blir verda stor.

Hovudutval for plan, teknikk og næring vedtok i møte 24.8.10 detaljplan for Solbakken. Planen legg til rette for bygging av omsorgs- og avlastingsbustader nord for Gamleveg.

Hovudutval for plan, teknikk og næring handsama i møte 24.8.10 eit forslag til detaljplan for Evjudalen som legg til rette for rekreasjon, aktivitet og nærfriluftsliv i Evjudalen, samtidig som naturkvalitetane i området vert tatt vare på. Planen er no lagt ut til offentleg ettersyn, og Bø kommune inviterer til folkemøte i Evjudalen 7.sept. kl 17.

Hovudutval for plan, teknikk og næring vedtok i møte 24.08.10 å legge detaljplan for del av Bakås, gnr. 39 bnr. 1 ut til offentleg ettersyn.  Planen legg til rette for 4 nye bustadtomter for eit område på Bakåssida.

Arne Homme er på plass som kyrkjeverje i Bø. Han går inn i stillinga etter Håvard Russnes som no er i tilsvarande stilling på Notodden. Håvard har vore kyrkjeverje i 13 år i Bø.
Arne Homme er 56 år, har høgskuleutdanning innan prosjektarbeid, informastikk, pedagogikk, sosiologi og kristendom. Han har erfaring som dagleg leiar av ADT as, IBM og har også erfaring frå undervisning. Arbeidsområdet og aktivitetar for kyrkjeverje finn du på heimesida til bo.kyrkje.no.

Invitasjon til ope informasjonsmøte om registrering av kulturminne i Bø på Bø ungdomsskule torsdag 2. september kl. 19.00