Teknisk eining er igang med sprøyting av is på Bø Torg og med minusgrader frå 16 til 19 bør det vera greitt å få til dette i løpet av denne veka. Det blir nok ikkje "oljeis" slik vi opplevde i dei gode gamle dagar på Bislett stadion i Oslo, men truleg får me ei lita bane framfor kommunehuset som duger til leik og mosjon. Bana er omlag 15 x 15 meter og vi oppmodar dei som skal bruke skeisebana til å ta med seg snøskuffe e.l. slik at dei er med på dugnaden med å halde isflata rein for snø!
På bileta ser vi karar frå teknisk eining i arbeid med islegging.

Bø og Sauherad kommunar er igang med prosjektet Kultur- og Naturreisen som er eit spennande framtidsretta tiltak der du kan få tilgang på lokal kunnskap via GPS, mobil eller lesebrett. Du kan lesa meir om dette i denne artikkelen - kultur- og naturreisen.

Laurdag 4. februar 2012 kl. 10.00 er det seminar i Gullbring Kulturanlegg om prosjektet og føremålet er å engasjere frivillige til dugnadsinnsats for å få inn mest mogleg lokalkunnskap.

 Det er snart tid for hovudopptaket for barnehageplass 2012-2013 i Bø kommune.  Søknadsfrist 1. mars